На вечерне
Кафизма 18
Кафизма 18
Пс.119-123; Слава: Пс.124-128; Слава: Пс.129-133;
Слава и ныне: Аллилу́иа (3): Ектения малая:
На «Господи, воззвах»
Канонарх: Глас четве́ртый. Го́споди, воззва́х к Тебе́, услы́ши мя.
Первый лик: Го́споди, воззва́х к Тебе́, услы́ши мя. / Услы́ши мя, Го́споди.
Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.
Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.
И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: един есмь аз, дондеже прейду.
Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́ и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́ Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́.
На 10, стихиры: Изведи́ из темни́цы ду́шу мою́, / испове́датися и́мени Твоему́.
Сти́х: Мене́ ждут пра́ведницы / до́ндеже возда́си Мне.
На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.
Сти́х: Да бу́дут у́ши Твои́ / вне́млюще гла́су моле́ния моего́.
Канонарх: На 6, cти́х: А́ще беззако́ния на́зриши, Го́споди, Го́споди, кто постои́т.
Лик: Я́ко у Тебе́ очище́ние есть.
Глас 4: Па́вел Богоглаго́ливый/ тя подо́бника рукополага́ет, тезоиме́нно зове́ма/ и нра́вы украша́ема того́, всеблаже́нне,/ и благоче́стием, и му́жеством души́,/ и терпе́нием обстоя́ний,/ и ре́вностию распаля́ема, Правосла́вия побо́рниче./ Ему́же и ны́не спрославля́ешися/ в Небе́сных оби́телех.
Канонарх: Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́.
Лик: упова́ душа́ моя́ на Го́спода.
Глас 4: Па́вел Богоглаго́ливый/ тя подо́бника рукополага́ет, тезоиме́нно зове́ма/ и нра́вы украша́ема того́, всеблаже́нне,/ и благоче́стием, и му́жеством души́,/ и терпе́нием обстоя́ний,/ и ре́вностию распаля́ема, Правосла́вия побо́рниче./ Ему́же и ны́не спрославля́ешися/ в Небе́сных оби́телех.
Канонарх: На 4, cти́х: От стра́жи у́тренния до но́щи, от стра́жи у́тренния.
Лик: да упова́ет Изра́иль на Го́спода.
Глас 4: А́рия безбо́жнаго и злочести́ваго Македо́ния/ тве́рдыми догма́тов твои́х жи́лами удави́л еси́,/ пра́вым же сло́вом уче́ния/ правосла́вных мно́жества, священному́чениче о́тче, утверди́л еси́./ Тем твое́ пресве́тлое испове́дание прие́м,/ Ца́рствия показа́ о́бщника Человеколю́бец.
Канонарх: Сти́х: Я́ко у Го́спода ми́лость, и мно́гое у Него́ избавле́ние.
Лик: и То́й изба́вит Изра́иля от все́х беззако́ний его́.
Глас 4: А́рия безбо́жнаго и злочести́ваго Македо́ния/ тве́рдыми догма́тов твои́х жи́лами удави́л еси́,/ пра́вым же сло́вом уче́ния/ правосла́вных мно́жества, священному́чениче о́тче, утверди́л еси́./ Тем твое́ пресве́тлое испове́дание прие́м,/ Ца́рствия показа́ о́бщника Человеколю́бец.
Канонарх: На 2, cти́х: Хвали́те Го́спода вси́ язы́цы.
Лик: похвали́те Его́ вси́ лю́дие.
Глас 4: Тече́ние соверши́вша тя и ве́ру соблю́дша,/ иера́рше блаже́нне,/ Христо́с венча́ све́тлым венце́м пра́вды/ и украси́ твое́ испове́дание, досточу́дне./ Тем, Небе́сное насле́дие прие́м,/ Спа́су моли́ся о воспева́ющих тя.
Канонарх: Сти́х: Я́ко утверди́ся ми́лость Его́ на на́с.
Лик: и и́стина Госпо́дня пребыва́ет во ве́к.
Глас 4: Па́вле всеблаже́нне, испове́дания тезоимени́те,/ те́пле благохва́лящих тя предста́тель быв,/ от вся́кия беды́, вся́каго греха́, и бу́ри страсте́й,/ и мучи́тельства, о́тче, изба́ви,/ я́ко му́ченик непобори́мь и иера́рх благоприя́тен,/ дерзнове́ние бо стяжа́ ко Хри́сту, Бо́гу на́шему.
Канонарх: Слава, глас пе́рвый.
Лик: Сла́ва Отцу́, и Сы́ну, и Свято́му Ду́ху.
Глас 1: Архиере́йскою оде́ждею оде́явся,/ преподо́бне о́тче,/ тезоимени́тому Па́влу поревнова́л еси́;/ гоне́ния претерпе́в и обстоя́ния,/ в свои́х при́сных боле́знех/ вредосло́вная мне́ния А́риева посрами́л еси́;/ и, пострада́в бо за Безнача́льную и Единосу́щную Тро́ицу,/ злочести́ваго и духобо́рца низложи́л еси́ Македо́ния/ и, Правосла́вную всем уясни́в ве́ру,/ с невеще́ственными водворя́ешися А́нгелы./ С ни́миже и ны́не моли́/ спасти́ся душа́м на́шим.
Канонарх: И ныне, глас то́йже.
Лик: И ны́не, и при́сно, и во ве́ки веко́в. Ами́нь.
Богородичен, глас 1: Ра́дуйся, ра́досте пра́дедов, / апо́столов и му́чеников весе́лие, / и покро́в нас, Де́во, Твои́х рабо́в.
Прокимен
Прокимен
В среду вечера, глас 5:
Диакон: Прему́дрость. Во́нмем. Проки́мен, глас 5.
Бо́же, во и́мя Твое́ спаси́ мя, / и в си́ле Твое́й суди́ ми.
Лик: Бо́же, во и́мя Твое́ спаси́ мя, / и в си́ле Твое́й суди́ ми.
Диакон: Бо́же, услы́ши моли́тву мою́, внуши́ глаго́лы уст мои́х.
Лик: Бо́же, во и́мя Твое́ спаси́ мя, / и в си́ле Твое́й суди́ ми.
Диакон: Бо́же, во и́мя Твое́ спаси́ мя
Лик: И в си́ле Твое́й суди́ ми.
Паремии
Стихиры на литии
На стиховне
Канонарх: Глас седьмы́й. Апо́столи сла́внии.
Лик: Глас 7: Апо́столи сла́внии, / столпи́ церко́внии, и́стины пропове́дницы, свети́ла су́ще све́тлая, вы́ огне́м духо́вным вся́ку пре́лесть попали́сте, челове́ческий ро́д ве́рою просвети́сте. Те́мже мо́лим вы́: моли́те Спа́са и Бо́га на́шего, умири́ти ми́р, и спасти́ ду́шы на́шя.
Канонарх: Стих: К Тебе́ возведо́х о́чи мои́ живу́щему на небеси́, се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему.
Лик: до́ндеже уще́дрит ны́.
Глас 7: Апо́столи Христо́вы, де́латели Спа́совы, Кре́ст у́бо я́коже ра́ло на ра́мех нося́ще, оляде́вшую зе́млю и́дольскою пре́лестию очи́стивше, и ве́ры сло́во все́ясте: досто́йно почита́еми есте́, святи́и Христо́вы Апо́столи.
Канонарх: Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих.
Лик: и уничиже́ния го́рдых.
Глас 7: Всехва́льнии му́ченицы, овча́та духо́вная, всесожже́ния слове́сная. Же́ртвы прия́тны, благоуго́дны Бо́гови, ва́с ни земля́ сокры́, но не́бо прия́т. Вы́ А́нгелом соприча́стницы бы́сте. С ни́миже моли́те, мо́лим вы́, Спа́са и Бо́га на́шего, умири́ти ми́р, и спасти́ ду́шы на́шя.
Канонарх: Глас пе́рвый. Стих: Свяще́нницы Твои́ облеку́тся в пра́вду.
Лик: и преподо́бнии Твои́ возра́дуются.
Глас 1: Преподо́бне о́тче Па́вле,/ доброде́телию оде́явся от Христа́ Бо́га,/ вся́кий де́монский и ва́рварский до́блественне победи́л еси́ полк;/ ве́рою укрепля́емь,/ на ка́мени утверди́л еси́ твое́ ста́до/ от вся́кия е́реси ненаве́тно./ Тем, со А́нгелы ликовству́я,/ Спа́су моли́ся/ в ми́ре сохрани́тися душа́м на́шим.
Канонарх: Слава, глас вторы́й.
Лик: Сла́ва Отцу́, и Сы́ну, и Свято́му Ду́ху.
Глас 2: По́стную пучи́ну преплы́в воздержа́ния ве́тром,/ страсте́й бу́ри избе́гл еси́, преподо́бне./ Тем наименова́нием тезоимени́т быв Боже́ственному Па́влу,/ гоне́ния претерпе́л еси́ и обстоя́ния,/ озлобля́емь в ерети́чествующих языкобо́лиих./ Тем А́риева низложи́л еси́ мне́ния/ и, Несто́риевы е́реси победи́в,/ Це́ркве Христо́вы яви́лся еси́ ревни́тель./ Того́ моли́, иера́рше блаже́нне,/ спасти́ся душа́м нашим.
Канонарх: И ныне, глас то́йже.
Лик: И ны́не, и при́сно, и во ве́ки веко́в. Ами́нь.
Богородичен, глас 2: Я́ко плодови́та ма́слина, / Де́ва израсти́ Тебе́, Плода́ Живо́тнаго, плодоноси́ти ми́рови / ве́лию и бога́тую ми́лость.
Тропари по Трисвятом
Глас 3: Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Проро́цы пропове́даша, / апо́столи научи́ша, / му́ченицы испове́даша: / и мы ве́ровахом Богоро́дицу Тя вои́стину су́щую. / Тем и велича́ем Рождество́ Твое́ неизрече́нное.
На утрене
на «Бог Господь»
Глас 3: Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости. (Дважды)
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Проро́цы пропове́даша, / апо́столи научи́ша, / му́ченицы испове́даша: / и мы ве́ровахом Богоро́дицу Тя вои́стину су́щую. / Тем и велича́ем Рождество́ Твое́ неизрече́нное.
Кафизмы 13,14,15
Кафизма 13
Пс.91-93; Слава: Пс.94-96; Слава: Пс.97-100;
И седален по 1-ом стихословии.
Глас 7: Де́латели селу́ Твоему́ яви́л еси́ Апо́столы Твоя́, Сло́ве, посека́ющыя и́долы: те́мже Тя́, Влады́ку, во язы́цех пропове́давше, благоче́стно возвели́чиша.
Стих: Во всю́ зе́млю изы́де веща́ние и́х, и в концы́ вселе́нныя глаго́лы и́х.
Земны́я на земли́ сла́вы не возлюби́сте, сла́внии, Бо́га Небе́снаго челове́ком пропове́давше, тому́ все́х приведо́сте.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 7: А́ще и Ма́терь Тя́ тва́рь позна́, но Де́ву Тя́ Зижди́тель показа́л е́сть: родила́ бо еси́ пло́тию Христа́ Бо́га, спаса́ющаго ду́шы на́шя.
Кафизма 14
Пс.101-102; Слава: Пс.103; Слава: Пс.104;
И седален по 2-ом стихословии.
Глас 7: Я́ко на́шего спасе́ния окорми́тели прему́дрыя апо́столи Христа́ Бо́га, пе́ньми и пе́сньми по до́лгу почти́м: ти́и бо пре́лести нече́стие отгна́вше, ми́р спасо́ша, я́ко самови́дцы Сло́ва, и слуги́, и дру́зи, и бра́тия бы́вше.
Стих: Небеса́ пове́дают сла́ву Бо́жию, творе́ние же руку́ Его́ возвеща́ет тве́рдь.
Проро́цы пропове́даша, апо́столи научи́ша, му́ченицы испове́даша, и мы́ ве́ровахом: я́ко Ты́ еси́ Христо́с сы́н Бо́жий, Изба́витель ми́ра.
Стих: Ди́вен Бо́г во святы́х Свои́х, Бо́г Изра́илев.
Му́ченицы Твои́, Го́споди, врага́ победи́ша, и пре́лесть и́дольскую посрами́ша, вооружи́вшеся Креста́ Твоего́ си́лою: те́мже и со А́нгелы воспева́юще Тя́, вопию́т побе́дную пе́снь, славосло́вяще Тя́, Христе́. Те́х моли́твами пода́ждь душа́м на́шым очище́ние и ве́лию ми́лость.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 7: Ра́дуйся, из Нея́же непрело́жно Сло́во пло́ть бы́сть, и всели́ся в ны́: ра́дуйся, Чи́стая, Апо́столов и му́чеников ра́дование, и на́с ве́рных спасе́ние: ра́дуйся, Ма́ти Христа́ Бо́га.
Кафизма 15
Пс.105; Слава: Пс.106; Слава: Пс.107-108;
И седален по 3-ом стихословии.
Глас 7: Ученицы́ Госпо́дни всехва́льнии, и́же подсо́лнечную всю́ я́ко свети́ла озари́вше, во тьме́ страсте́й мя́ и прегреше́ний су́ща, просвети́тися ми́, моли́те.
Свети́ла вы́ су́ще ми́ру, Госпо́дни Апо́столи, облистава́ете при́сно сло́во ве́рным, отгоня́юще зе́льне пре́лести мглу́. Те́мже и просвеща́ете язы́ки креще́нием, я́ко пропове́дницы Тро́ицы су́ще, при́сно почита́емии.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 7: Я́же ми́ру ра́досте, Де́во, Твоего́ Сы́на непреста́нно со Апо́столы моли́, проще́ние дарова́ти на́ших прегреше́ний, и жития́ исправле́ние.
Величание
Седален праздника / Ипакои
Прокимен
Евангелие
Стихиры по 50 псалме
Канон
Песнь 1
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 1
Ирмос, глас 7: Ма́нием Твои́м на земны́й о́браз преложи́ся, пре́жде удоборазлива́емое водно́е естество́, Го́споди: те́мже немо́кренно пешеше́ствовав Изра́иль, пое́т Тебе́ пе́снь побе́дную.
Припев: Святи́и апо́столи, моли́те Бо́га о на́с.
Ма́нием к Боже́ственному богови́дни бы́вше, бо́ги сокруши́сте безбо́жных, и к Боже́ственней все́х воздвиго́сте любви́, ве́ровавших Бо́гу, всечестни́и.
Припев: Святи́и апо́столи, моли́те Бо́га о на́с.
Со́ль я́коже бы́вше всея́ земли́, богоглаго́ливии Госпо́дни Апо́столи, согни́тие все́ уста́вите се́рдца моего́, и обуя́вшее лю́те исцели́те.
Припев: Святи́и апо́столи, моли́те Бо́га о на́с.
Все́х Судия́ Пра́веднейший, егда́ хо́щет во второ́е прише́ствие с ва́ми се́сти Боже́ственнии Апо́столи, тогда́ вся́каго осужде́ния на́с изба́вите.
Припев: Пресвята́я Богоро́дице, спаси́ нас.
Богородичен: Пречи́стая Богоро́дице, со безпло́тными А́нгелы, и проро́ки, и му́ченики и Апо́столы моли́: я́ко да оставле́ние прегреше́ний прии́мем, Де́во, и бога́тую ми́лость.
Припев: Святи́телю о́тче Нико́лае, моли́ Бо́га о на́с.
Просла́влено на земли́ преше́д житие́, тебе́ сла́вящыя, Нико́лае, прича́стники та́мо су́щия сла́вы сотвори́.
Припев: Святи́телю о́тче Нико́лае, моли́ Бо́га о на́с.
В пучи́не лю́тых пла́вающе, жите́йских искуше́ний волна́ми, Всеблаже́нне, окружа́еми есмы́: от ни́хже на́с спаси́.
Припев: Святи́телю о́тче Нико́лае, моли́ Бо́га о на́с.
Ру́ку ми́ ны́не пода́тельную по́мощи пода́ждь, о́тче Нико́лае, от вра́г ви́димых и неви́димых изба́ви мя́.
Припев: Священному́чениче Пáвле, моли́ Бо́га о на́с.
Ве́ры утвержде́ние, Це́ркве учи́теля,/ и столпа́ непоколеби́ма испове́дания, Тя,/ и многосве́тлаго свети́льника благода́ти, и уста́ огнедохнове́нна, Па́вле, пропове́дуем.
Припев: Священному́чениче Пáвле, моли́ Бо́га о на́с.
Ве́ры утвержде́ние, Це́ркве учи́теля,/ и столпа́ непоколеби́ма испове́дания, Тя,/ и многосве́тлаго свети́льника благода́ти, и уста́ огнедохнове́нна, Па́вле, пропове́дуем.
Припев: Священному́чениче Пáвле, моли́ Бо́га о на́с.
Па́вел велича́йший,/ со́лнце вселе́нныя, треблаже́нне, предлага́ет тя Па́вла втора́го,/ я́ко огнь, попаля́юща кре́пко е́реси, и секи́ру, секу́ща безбо́жие.
Припев: Священному́чениче Пáвле, моли́ Бо́га о на́с.
Па́вел велича́йший,/ со́лнце вселе́нныя, треблаже́нне, предлага́ет тя Па́вла втора́го,/ я́ко огнь, попаля́юща кре́пко е́реси, и секи́ру, секу́ща безбо́жие.
Сла́ва Отцу́, и Сы́ну, и Свято́му Ду́ху.
Зако́нно подвиза́лся еси́, предбе́дствуя, Богоглаго́ливе,/ Боже́ственному пропове́данию, я́ко иера́рх, ве́рен,/ и удави́л еси́ жи́лами твои́х догма́тов, я́ко зве́ря, А́рия суему́дреннаго.
И ны́не, и при́сно, и во ве́ки веко́в. Ами́нь.
Богородичен: Мари́ю Пречи́стую, прииди́те, воспои́м вси,/ еди́ну, украси́вшую челове́чество и ро́ждшую Бо́га воплоще́ннаго,/ Де́ву же пребы́вшу неврежде́ну.
Песнь 2
Песнь 3
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 3
Ирмос, глас 7: В нача́ле Небеса́ всеси́льным Сло́вом Твои́м утвержде́й, Го́споди Спа́се, и вседе́тельным и Бо́жиим Ду́хом, всю́ си́лу и́х: на недви́жимем мя́ ка́мени испове́дания Твоего́ утверди́.
Припев: Святи́и апо́столи, моли́те Бо́га о на́с.
Я́ко небеса́ сла́ву Бо́жию, я́коже рече́ проро́к, пове́дуете Боже́ственнии ученицы́, уясня́юще его́ Боже́ственное воплоще́ние, и страда́ния я́ве му́дрии: и́миже страсте́й и сме́рти все́х, и тли́ изба́вите.
Припев: Святи́и апо́столи, моли́те Бо́га о на́с.
Стре́лы Христа́ си́льнаго изъощре́ны яви́стеся, от стре́л мя́ лука́ваго, му́дрии ученицы́ Госпо́дни, изба́вите: и уязвле́ное лю́те грехо́вным ору́жием мое́ се́рдце исцели́те.
Припев: Святи́и апо́столи, моли́те Бо́га о на́с.
Прельще́ннаго мя́ лю́те и оде́жды обнаже́на Боже́ственныя, Боже́ственными оде́ждами, Христо́вы ученицы́, просвети́ти потщи́теся: и́же вра́жия кова́рства обнажи́вше вся́, и того́ в сту́д облеко́сте.
Припев: Пресвята́я Богоро́дице, спаси́ нас.
Богородичен: Си́лы небе́сныя составле́й сло́вом, и́же проро́ком благода́ть пода́вый, и ученико́м, и все́м му́чеником: те́х моли́твами, Бо́же, и Пречи́стыя Ма́тере Твоея́, спаси́ все́х, и уще́дри я́ко милосе́рд.
Припев: Святи́телю о́тче Нико́лае, моли́ Бо́га о на́с.
О вселе́нней принося́ моле́ния, от вся́кия ну́жды и скорбе́й безчи́сленных спаси́ на́с, свя́те Нико́лае.
Припев: Святи́телю о́тче Нико́лае, моли́ Бо́га о на́с.
Свя́занных неизбе́жно из темни́цы я́коже изба́вил еси́: соу́зы растерза́в зо́л мои́х, моли́твами твои́ми, примири́ Бо́гу, свя́те Нико́лае.
Припев: Святи́телю о́тче Нико́лае, моли́ Бо́га о на́с.
В нощи́ и во дни́ засту́пника тя́ нарица́ем, на́шя моли́твы принеси́ Го́сподеви, сохраня́я на́с при́сно, свя́те Нико́лае.
Припев: Священному́чениче Пáвле, моли́ Бо́га о на́с.
Сыноположи́вся благода́тию Боже́ственною,/ естество́м Сы́на Единоро́днаго в тварь не сведе́,/ Отцу́ Собезнача́льна, Па́вле,/ Па́вла догма́том Богоно́снаго после́дуя.
Припев: Священному́чениче Пáвле, моли́ Бо́га о на́с.
Сыноположи́вся благода́тию Боже́ственною,/ естество́м Сы́на Единоро́днаго в тварь не сведе́,/ Отцу́ Собезнача́льна, Па́вле,/ Па́вла догма́том Богоно́снаго после́дуя.
Припев: Священному́чениче Пáвле, моли́ Бо́га о на́с.
Усты́, и се́рдцем, и язы́ком му́дрость и си́лу Бо́жию,/ Сло́во Ипоста́сное, ты, Христа́, пропове́дал еси́, Па́вле Богому́дре, преподо́бне,/ злочести́ваго обличи́в А́рия.
Припев: Священному́чениче Пáвле, моли́ Бо́га о на́с.
Усты́, и се́рдцем, и язы́ком му́дрость и си́лу Бо́жию,/ Сло́во Ипоста́сное, ты, Христа́, пропове́дал еси́, Па́вле Богому́дре, преподо́бне,/ злочести́ваго обличи́в А́рия.
Сла́ва Отцу́, и Сы́ну, и Свято́му Ду́ху.
Пресу́щественныя вла́сти Ду́ха Свята́го Бо́жия,/ И́мже Боготвори́мся судо́м пра́ведным, всему́дре,/ естество́м Бо́га пропове́дал еси́, и вседе́тельна, и всеси́льна.
И ны́не, и при́сно, и во ве́ки веко́в. Ами́нь.
Богородичен: Безнача́льна Роди́теля Сло́во, вы́шше вся́каго нача́ла,/ нача́ло ны́не, воплоща́емо из Тебе́, Чи́стая, прия́т,/ и под ле́том бысть, лет всех превы́шши.
Катавасия
Ирмос, глас 4: Твоя́ песносло́вцы, Богоро́дице,/ живы́й и незави́стный исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.
Кондаки по 3 песне
Седален
Глас 3: До́гму Боже́ственную придержа́в,/ глаго́л безбо́жный изве́ргл еси́, Па́вле Богому́дре, посрами́в А́рия:/ Отцу́ бо Сы́на единосу́щна пропове́дал еси́, ве́рныя утверди́в./ О́тче преподо́бне, Христа́ Бо́га моли́/ дарова́тися нам ве́лией ми́лости.
Сла́ва Отцу́, и Сы́ну, и Свято́му Ду́ху.
Глас 8: Я́ко сосу́да сый избра́ннаго тезоимени́т, о́тче, и подража́тель,/ беды́ претерпе́л еси́ за ве́ру и гоне́ния/ и, я́ко той, в Рим прии́де, преподо́бне,/ всю́ду пропове́дуя Тро́ицы равноче́стное;/ тем и тече́ние во Арме́нии сконча́в,/ досто́йно прия́л еси́ от Го́спода вене́ц,/ посрами́в Македо́ния и безбо́жнаго А́рия./ Тем моли́ Христа́ Бо́га грехо́в оставле́ние дарова́ти/ пра́зднующим любо́вию святу́ю па́мять твою́.
И ны́не, и при́сно, и во ве́ки веко́в. Ами́нь.
Богородичен, глас 8: Я́ко Де́ву и е́дину в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ огнь бо всели́ся в Тя Божества́,/ и я́ко Младе́нца дои́ши Зижди́теля и Го́спода./ Тем, А́нгельский и челове́ческий род,/ досто́йно сла́вим пресвято́е Рождество́ Твое́ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му Рождеству́ Твоему́.
Песнь 4
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 4
Ирмос, глас 7: О́тча не́дра не оста́вль, и соше́д на зе́млю, Христе́ Бо́же, та́йну услы́шах смотре́ния Твоего́, и просла́вих Тя́, Еди́не Человеколю́бче.
Припев: Святи́и апо́столи, моли́те Бо́га о на́с.
И́же Отцу́ сопресто́льный Сы́н, на земли́ вопло́щься я́ко челове́к, избра́ ва́с ученики́, Его́ Божество́ пропове́дати все́м язы́ком.
Припев: Святи́и апо́столи, моли́те Бо́га о на́с.
К созида́телем все́х страсте́й впа́дся умовре́дно окая́нный а́з, се́рдцем уязви́хся. Те́мже молю́ся, исцели́те мя́ вра́чеве боля́щих, Апо́столи.
Припев: Святи́и апо́столи, моли́те Бо́га о на́с.
От страсте́й изба́вите на́с, и от бе́д лю́тых, и скорбе́й, апо́столи сла́внии, и от вся́кия напа́сти, и всеболе́зненныя му́ки.
Припев: Пресвята́я Богоро́дице, спаси́ нас.
Богородичен: Я́же Бо́гу Ма́ти избра́нныя, со Апо́столы свяще́нными, и му́ченики, и проро́ки моли́ся, бе́д и скорбе́й и прегреше́ний изба́витися на́м.
Припев: Святи́телю о́тче Нико́лае, моли́ Бо́га о на́с.
Прему́дростию твое́ю очерни́в А́риев у́м е́ресию помраче́нный, и от того́ прельща́емыя, Нико́лае, просвети́л еси́.
Припев: Святи́телю о́тче Нико́лае, моли́ Бо́га о на́с.
Уврачу́й моя́ мно́гия стру́пы богоприя́тными твои́ми моли́твами, богоблаже́нне о́тче Нико́лае, и се́рдце мое́ просвети́.
Припев: Святи́телю о́тче Нико́лае, моли́ Бо́га о на́с.
Умертви́в стра́стныя взыгра́ния, от ни́хже мя́ умерщвле́наго, моли́твами твои́ми, всеблаже́нне, оживи́в, но́ва сотвори́.
Припев: Священному́чениче Пáвле, моли́ Бо́га о на́с.
Честь многоце́нную твоему́ верху́ испове́дания вене́ц,/ я́ко победоно́сцу, живоно́сною десни́цею Зижди́тель возложи́,/ Па́вле Богоявле́нне, блаже́нне.
Припев: Священному́чениче Пáвле, моли́ Бо́га о на́с.
Честь многоце́нную твоему́ верху́ испове́дания вене́ц,/ я́ко победоно́сцу, живоно́сною десни́цею Зижди́тель возложи́,/ Па́вле Богоявле́нне, блаже́нне.
Припев: Священному́чениче Пáвле, моли́ Бо́га о на́с.
Я́коже предподвиза́вся благочести́вых ра́ди, всему́дре, догма́тов,/ прия́л еси́ воздая́ния,/ ны́не дре́ва жи́зни получи́в, блаже́нне,/ Па́вле Богоявле́нне, чу́дне.
Припев: Священному́чениче Пáвле, моли́ Бо́га о на́с.
Я́коже предподвиза́вся благочести́вых ра́ди, всему́дре, догма́тов,/ прия́л еси́ воздая́ния,/ ны́не дре́ва жи́зни получи́в, блаже́нне,/ Па́вле Богоявле́нне, чу́дне.
Сла́ва Отцу́, и Сы́ну, и Свято́му Ду́ху.
На Небе́сней земли́ ликоходи́ти,/ иде́же но́ги кро́тких ликовству́ют, сподо́бился еси́,/ я́ко све́тел подви́жник и и́стины, всече́стне Па́вле, быв побо́рник.
И ны́не, и при́сно, и во ве́ки веко́в. Ами́нь.
Богородичен: Единосу́ществом О́тчим, Спа́се, я́ко Сы́н ви́димь,/ из Де́вы единосу́щен нам воплоти́вся, был еси́,/ спасти́ восхоте́в челове́чество.
Песнь 5
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 5
Ирмос, глас 7: Го́споди Бо́же мо́й, от но́щи у́треневав Тебе́ молю́ся: пода́ждь ми́ оставле́ние прегреше́ний мои́х, и к све́ту Твои́х повеле́ний пути́ моя́ напра́ви, молю́ся.
Припев: Святи́и апо́столи, моли́те Бо́га о на́с.
Го́споди Бо́же мо́й, Апо́столом Твои́м ми́р дре́вле дарова́вый, те́х моли́твами ми́р да́руй все́м, и прегреше́ний проще́ние.
Припев: Святи́и апо́столи, моли́те Бо́га о на́с.
Го́споди Бо́же мо́й, све́дый согреше́ния души́ моея́, и неиспра́вленный нра́в се́рдца моего́, ту́не мя́ уще́дрив спаси́, Апо́стол мольба́ми.
Припев: Святи́и апо́столи, моли́те Бо́га о на́с.
Го́споди Бо́же мо́й, разбо́йника, и блудни́цу согреши́вшую, мно́гия ра́ди спа́сл еси́ бла́гости: и моли́твами Твои́х Апо́стол, и мене́ блу́днаго уще́дри.
Припев: Пресвята́я Богоро́дице, спаси́ нас.
Богородичен: Го́споди Бо́же мо́й, рожде́йся от Де́вы неискусобра́чныя, Тоя́ моли́твами и Апо́стол Твои́х очище́ние согреше́ний ми́ да́руй, и бу́дущия изба́ви му́ки.
Припев: Святи́телю о́тче Нико́лае, моли́ Бо́га о на́с.
Сове́ты О́тче, подвиза́емыя при́сно на ны́, ненака́занных челове́к Твои́ми моли́твами, Нико́лае, безде́льны сотвори́.
Припев: Святи́телю о́тче Нико́лае, моли́ Бо́га о на́с.
Соу́зы зо́л на́ших расто́ргни твои́ми моли́твами, связа́вый зло́бу душетле́ннаго зми́я, всесвяты́й Нико́лае.
Припев: Святи́телю о́тче Нико́лае, моли́ Бо́га о на́с.
Ра́зумом при́сно согреша́юще, и мно́жеством лю́тых содержи́ми, о́тче, предста́теля тя́, Нико́лае, те́пла призыва́ем.
Припев: Священному́чениче Пáвле, моли́ Бо́га о на́с.
Па́жить е́реси и гни́лость уста́вил еси́,/ приложи́в изя́щнейшее, Богому́дре, врачева́ние, о́тче, испове́дание твое́,/ и твои́х догма́тов све́тлое, ума́ же чисте́йшее, и ре́вность Боже́ственную.
Припев: Священному́чениче Пáвле, моли́ Бо́га о на́с.
Па́жить е́реси и гни́лость уста́вил еси́,/ приложи́в изя́щнейшее, Богому́дре, врачева́ние, о́тче, испове́дание твое́,/ и твои́х догма́тов све́тлое, ума́ же чисте́йшее, и ре́вность Боже́ственную.
Припев: Священному́чениче Пáвле, моли́ Бо́га о на́с.
Бога́тно излия́ся Свята́го Ду́ха благода́ть твои́м устна́м, всеблаже́нне,/ побо́рника и́стинно Правосла́вия кре́пка обре́тши тя, преизя́щна, ве́рных:/ тем просвети́л еси́ Боже́ственныя собо́ры.
Припев: Священному́чениче Пáвле, моли́ Бо́га о на́с.
Бога́тно излия́ся Свята́го Ду́ха благода́ть твои́м устна́м, всеблаже́нне,/ побо́рника и́стинно Правосла́вия кре́пка обре́тши тя, преизя́щна, ве́рных:/ тем просвети́л еси́ Боже́ственныя собо́ры.
Сла́ва Отцу́, и Сы́ну, и Свято́му Ду́ху.
А́риево безбо́жное и Македо́ниево вредосло́вие, Па́вле,/ Богодухнове́нных твои́х догма́тов и уче́ний испращева́л еси́ плете́ния, я́ко Дави́д иноплеме́нника,/ пре́жде сия́ удави́в, и тве́рдо низве́ргл еси́.
И ны́не, и при́сно, и во ве́ки веко́в. Ами́нь.
Богородичен: Сый Преве́чный ны́не под ле́ты бысть,/ плоть прие́м, Де́во, одушевле́ну и у́мну, Сло́во Безнача́льное из Тебе́, Неискусобра́чная, Чи́стая,/ всем, пою́щим Тя, мир да́руя.
Песнь 6
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 6
Ирмос, глас 7: Пла́вающаго в молве́ жите́йских попече́ний, с корабле́м потопля́ема грехи́, и душетле́нному зве́рю, примета́ема я́ко Ио́на, Христе́, вопию́ Ти: из смертоно́сныя глубины́ возведи́ мя.
Припев: Святи́и апо́столи, моли́те Бо́га о на́с.
Са́мыя му́дрости Боже́ственнии ученицы́ бы́вше, е́ллинскую обуи́ша прему́дрость, и мудреца́ зло́бы погуби́ша: и в неве́дении блудя́щыя, све́том благоче́стия прему́дрии просвети́ша.
Припев: Святи́и апо́столи, моли́те Бо́га о на́с.
И́же Петро́во дре́вле слеза́ми прегреше́ние очи́стив, того́ моли́твами души́ моея́ неисче́тная согреше́ния очи́сти, безме́рнаго ра́ди Твоего́ благоутро́бия и премно́гия, Христе́, благосты́ни.
Припев: Святи́и апо́столи, моли́те Бо́га о на́с.
И́же ниневи́тяны дре́вле пока́явшыяся уще́дрив, и мене́ обы́чным Твои́м милосе́рдием поми́луй, Апо́стол Твои́х ра́ди: и да не за мно́жество прегреше́ний, Изба́вителю, мно́жество приложи́ши муче́ния.
Припев: Пресвята́я Богоро́дице, спаси́ нас.
Богородичен: Я́же Све́т Ро́ждшая, просвети́ ду́шу мою́ омраче́нную страстьми́: и моли́ со Апо́столы, с проро́ки же и му́ченики, от вся́каго греха́, вся́каго вре́да, вся́кия зло́бы вра́жия изба́вити мя́.
Припев: Святи́телю о́тче Нико́лае, моли́ Бо́га о на́с.
Разори́л еси́ сме́рти непра́ведный су́д, и спа́сл еси́ ми́лостию твое́ю, о́тче Нико́лае, хотя́щыя умре́ти, я́ко те́плый помо́щник призыва́ющым тя́.
Припев: Святи́телю о́тче Нико́лае, моли́ Бо́га о на́с.
Неду́ги ду́ш на́ших утиши́: и уста́ отверза́ющаяся всу́е на лю́бящих тя́, свяще́ннейший па́стырю, загради́.
Припев: Святи́телю о́тче Нико́лае, моли́ Бо́га о на́с.
Па́жить го́рькую злоче́стия а́риева потреби́л еси́, Нико́лае, растворе́нием слове́с твои́х, священнотаи́нниче, правосла́вным утвержде́ние ты́ бы́л еси́.
Припев: Священному́чениче Пáвле, моли́ Бо́га о на́с.
Глаго́лавый на высоту́ вредосло́вие/ и Сы́на и Сло́ва Бо́жия А́рий в тварь низведы́й,/ от Тебе́ окая́нный, Богому́дре, осуди́ся.
Припев: Священному́чениче Пáвле, моли́ Бо́га о на́с.
Глаго́лавый на высоту́ вредосло́вие/ и Сы́на и Сло́ва Бо́жия А́рий в тварь низведы́й,/ от Тебе́ окая́нный, Богому́дре, осуди́ся.
Припев: Священному́чениче Пáвле, моли́ Бо́га о на́с.
Безу́мный, и несмы́сленный, и безбо́жный отве́рг, о́тче, Македо́ний Боже́ственнаго Ду́ха,/ твои́м кре́пким противле́нием, Богоявле́нне, низве́ржеся.
Припев: Священному́чениче Пáвле, моли́ Бо́га о на́с.
Безу́мный, и несмы́сленный, и безбо́жный отве́рг, о́тче, Македо́ний Боже́ственнаго Ду́ха,/ твои́м кре́пким противле́нием, Богоявле́нне, низве́ржеся.
Сла́ва Отцу́, и Сы́ну, и Свято́му Ду́ху.
Умерщвля́ется пле́жущий зми́й живи́тельными твои́ми словесы́,/ приложи́вый ересе́й полк, святи́телю Бо́жий всеблаже́нне,/ Богоглаго́льниче свяще́ннейше.
И ны́не, и при́сно, и во ве́ки веко́в. Ами́нь.
Богородичен: Пое́м, Де́во Богома́ти, па́че естества́ Рождество́ и Твою́ нескве́рную чистоту́,/ и́бо в Тебе́ ди́вно стече́ся де́вство и рождество́ нетле́нно.
Катавасия
Ирмос, глас 4: Приидо́х во глубины́ морски́я,/ и потопи́ла мя есть бу́ря мно́гих грехо́в,/ но, я́ко Бо́г, из глубины́ возведи́ живо́т мой,/ Многоми́лостиве.
Кондаки по 6 песне
Кондак
Глас 2: Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
Икос: Свы́ше име́л еси́, Па́вле, зва́ние,/ рождество́ же до́ле от земли́,/ я́ко са́д красе́н испо́лнь су́щи./ Я́ко от рая́ бо, процве́л еси́ посто́м,/ все́ благово́нствуя/ от вони́ мно́гих твои́х труда́ по́двигов, по́тов, заточе́ния,/ гла́да, жа́жды и вся́кия тесноты́;/ в ни́хже проше́л еси́ благоиску́сно,/ и венце́м побе́ды украша́емь,/ вопие́т бо твоя́ кровь ко Го́споду.
Песнь 7
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 7
Ирмос, глас 7: Пе́щь о́троцы огнепа́льну дре́вле росоточа́щу показа́ша, Еди́наго Бо́га воспева́юще, и глаго́люще: превозноси́мый отце́в Бо́г, и препросла́влен.
Припев: Святи́и апо́столи, моли́те Бо́га о на́с.
Пе́щь дре́вле го́рькаго безбо́жия, росо́ю Боже́ственнаго пропове́дания угаси́сте, сла́внии апо́столи, зову́ще: превозноси́мый отце́в Бо́г и препросла́влен.
Припев: Святи́и апо́столи, моли́те Бо́га о на́с.
Лю́таго мя́, Христе́, греха́, и во а́де муче́ния, и в гее́нне боле́зней исхити́: и спаси́ мя, молю́ся, мольба́ми, Сло́ве, Апо́стол Твои́х.
Припев: Святи́и апо́столи, моли́те Бо́га о на́с.
Сло́ва мре́жею из глубины́ неве́дения челове́ки улови́вше, и потопля́ема мя́ безме́рными прегреше́нии, и обурева́ема, ученицы́ Христо́вы, спаси́те.
Припев: Пресвята́я Богоро́дице, спаси́ нас.
Богородичен: Со А́нгелы, с му́ченики и Апо́столы, Всенепоро́чная, Твоего́ Сы́на моли́ и Го́спода, спасти́ся рабо́м Твои́м от напа́стей вся́ческих и скорбе́й.
Припев: Святи́телю о́тче Нико́лае, моли́ Бо́га о на́с.
Красота́ церко́вная бы́в, му́дре Нико́лае, вся́кия мя́ некрасоты́ страсте́й безче́стных изба́ви, благода́теля всего́ ми́ра моля́, святи́телю, при́сно.
Припев: Святи́телю о́тче Нико́лае, моли́ Бо́га о на́с.
Ту́чами моли́тв твои́х, Нико́лае му́дре, все́х на́с напо́й сердца́: я́ко да принесе́м плоды́ досто́йны покая́ния, святи́телю Нико́лае.
Припев: Святи́телю о́тче Нико́лае, моли́ Бо́га о на́с.
Просвети́ твои́ми моли́твами на́ша помышле́ния, ве́рою у́тренюющих, и Бо́га сла́вящих, разори́вый мольба́ми твои́ми артеми́ды ка́пища.
Припев: Священному́чениче Пáвле, моли́ Бо́га о на́с.
Преше́л еси́, Богому́дре, к Небе́сным, Па́вле, ски́ниям/ и, прибли́жився Бо́гу, прича́стием обожа́емь, Боже́ствен был еси́, поя́, преподо́бне:/ препе́тый отце́в Госпо́дь и Бог, благослове́н еси́.
Припев: Священному́чениче Пáвле, моли́ Бо́га о на́с.
Преше́л еси́, Богому́дре, к Небе́сным, Па́вле, ски́ниям/ и, прибли́жився Бо́гу, прича́стием обожа́емь, Боже́ствен был еси́, поя́, преподо́бне:/ препе́тый отце́в Госпо́дь и Бог, благослове́н еси́.
Припев: Священному́чениче Пáвле, моли́ Бо́га о на́с.
Воумля́еми твои́ми словесы́, учи́мся, Па́вле всехва́льне,/ я́ко в со́лнцех трех, Неразде́льное, Несеко́мо почита́ти Божество́, Ему́же и пое́м:/ препе́тый отце́в Госпо́дь и Бог, благослове́н еси́.
Припев: Священному́чениче Пáвле, моли́ Бо́га о на́с.
Воумля́еми твои́ми словесы́, учи́мся, Па́вле всехва́льне,/ я́ко в со́лнцех трех, Неразде́льное, Несеко́мо почита́ти Божество́, Ему́же и пое́м:/ препе́тый отце́в Госпо́дь и Бог, благослове́н еси́.
Сла́ва Отцу́, и Сы́ну, и Свято́му Ду́ху.
Я́ко всесвяще́нное Боже́ственное и Богоуго́дное испове́дание твое́:/ я́ко зла́то бо очи́стився, Бо́гу прине́слся еси́ же́ртва благоприя́тна, веселя́ся, преподо́бне,/ подража́нием страсте́й Спа́са на́шего.
И ны́не, и при́сно, и во ве́ки веко́в. Ами́нь.
Богородичен: Всем Хода́таица челове́ком еди́на яви́лася еси́ Боже́ственнаго избавле́ния,/ Изба́вителя всех ро́ждши, Всенепоро́чная./ Ему́же вси пое́м:/ препе́тый отце́в Госпо́дь и Бог, благослове́н еси́.
Песнь 8
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 8
Ирмос, глас 7: Неопа́льная огню́ в Сина́и прича́щшаяся купина́ Бо́га яви́, медленоязы́чному и гугни́вому Моисе́ови, и о́троки ре́вность Бо́жия три́ непребори́мыя во огни́ певцы́ показа́: вся́ дела́ Госпо́дня, Го́спода по́йте, и превозноси́те во вся́ ве́ки.
Припев: Святи́и апо́столи, моли́те Бо́га о на́с.
У́глие огне́м разу́мным разже́гшеся, я́коже тро́стие всю́ и́дольскую ле́сть попали́ша, Христо́вы ученицы́, и просвети́ша ве́рных ду́шы, взыва́ющыя: вся́ дела́ Госпо́дня Го́спода по́йте, и превозноси́те во вся́ ве́ки.
Припев: Святи́и апо́столи, моли́те Бо́га о на́с.
Омраче́нную ду́шу мою́ грехо́м, и омраче́нное страстьми́ безче́стия ны́не просвети́те се́рдце мое́, све́ту присносу́щному прича́стницы Христо́вы Апо́столи, я́ко да непреста́нно зову́: вся́ дела́ Госпо́дня Го́спода по́йте, и превозноси́те во вся́ ве́ки.
Припев: Святи́и апо́столи, моли́те Бо́га о на́с.
Уя́звленную ду́шу мою́ ядови́тыми го́рдаго угрызе́ньми, и́же я́звы пло́тию прие́мый, исцели́ моли́твами свяще́нных Твои́х ученико́в, и спаси́ пою́щыя: вся́ дела́ Госпо́дня, Го́спода по́йте, и превозноси́те во вся́ ве́ки.
Припев: Пресвята́я Богоро́дице, спаси́ нас.
Богородичен: Неопа́льно ро́ждши о́гнь, сохрани́лася еси́, Де́ва Пречи́стая: те́мже моли́, Его́же родила́ еси́, со безпло́тными ли́ки и Апо́столы, спасти́ся ве́рою пою́щым: вся́ дела́ Госпо́дня, Го́спода по́йте, и превозноси́те во вся́ ве́ки.
Припев: Святи́телю о́тче Нико́лае, моли́ Бо́га о на́с.
В Ми́рех мироуха́нное те́ло твое́, всесвя́те Нико́лае, лежа́щее, ми́ро притека́ющым источа́ет, и уставля́ет неду́ги челове́ком.
Припев: Святи́телю о́тче Нико́лае, моли́ Бо́га о на́с.
Ми́ру тя́ засту́пника показа́ ми́ра Творе́ц и Госпо́дь: те́мже призыва́ющым тя́ в ну́ждах ны́не, Нико́лае, обрета́ешися изба́витель гото́вейший.
Припев: Святи́телю о́тче Нико́лае, моли́ Бо́га о на́с.
Не́сть, и́же призва́вый тя́ в ско́рбех, и ско́ро не обря́щет утеше́ния. Те́мже тебе́ мо́лимся: вся́ боле́зни на́шя, Нико́лае, облегчи́.
Припев: Священному́чениче Пáвле, моли́ Бо́га о на́с.
Теку́т исто́чницы твои́х догма́тов и всю Це́рковь напая́ют;/ кро́вию же честно́ю твое́ю, о́тче,/ вся освяти́л еси́, Правосла́вною ве́рою тебе́ после́довавшия,/ Го́спода по́йте, вопию́щия, и превозноси́те Его́ во вся ве́ки.
Припев: Священному́чениче Пáвле, моли́ Бо́га о на́с.
Теку́т исто́чницы твои́х догма́тов и всю Це́рковь напая́ют;/ кро́вию же честно́ю твое́ю, о́тче,/ вся освяти́л еси́, Правосла́вною ве́рою тебе́ после́довавшия,/ Го́спода по́йте, вопию́щия, и превозноси́те Его́ во вся ве́ки.
Припев: Священному́чениче Пáвле, моли́ Бо́га о на́с.
Приста́нищу ти́хому ны́не приста́л еси́, жите́йская треволне́ния отри́нув,/ име́л еси́ бо направля́юща все ше́ствие твое́ корми́теля Го́спода, Па́вле всехва́льне,/ ма́нием вся творя́щаго, Его́же превозно́сим во вся ве́ки.
Припев: Священному́чениче Пáвле, моли́ Бо́га о на́с.
Приста́нищу ти́хому ны́не приста́л еси́, жите́йская треволне́ния отри́нув,/ име́л еси́ бо направля́юща все ше́ствие твое́ корми́теля Го́спода, Па́вле всехва́льне,/ ма́нием вся творя́щаго, Его́же превозно́сим во вся ве́ки.
Благослови́м Отца́ и Сы́на и Свята́го Ду́ха, Го́спода.
Свет трисия́нен пребоже́ственныя Тро́ицы, в тя всели́вся,/ свет тя вторы́й показа́, просвеща́юща собо́р правосла́вных,/ ерети́ческий же полк, о́тче, омрача́юща/ и, Го́спода по́йте, вопию́ща, и превозноси́те Его́ во вся ве́ки.
И ны́не, и при́сно, и во ве́ки веко́в. Ами́нь.
Богородичен: Глаго́лом проро́ческим после́дующе, Де́во, Тя Богоро́дицу возвеща́ем:/ родила́ бо еси́ Отроча́, всех дре́внейша, Емману́ил нарица́ема,/ Ему́же ны́не зове́м:/ Го́спода по́йте дела́ и превозноси́те Его́ во вся ве́ки.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Катавасия
Ирмос, глас 4: О́троки благочести́выя в пещи́/ Рождество Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте дела́/ и превозноси́те Его́ во вся ве́ки.
Песнь Богородице
Диакон: Богоро́дицу и Мате́рь Све́та в пе́снех возвели́чим.
Песнь Пресвятыя Богородицы
Лик: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко призре́ на смире́ние Рабы́ Своея́, се бо от ны́не ублажа́т Мя вси ро́ди.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Песнь 9
Кано́н святы́х апо́столов (в четверто́к у́тра). Глас 7. На 5. + Кано́н святи́теля Никола́я (в четверто́к у́тра). Глас 7. На 3. + Кано́н священному́ченика Пáвла. Глас 4. На 6.
Песнь 9
Ирмос, глас 7: Нетле́ния искуше́нием ро́ждшая, и Всехитрецу́ Сло́ву пло́ть взаимода́вшая, Ма́ти неискусому́жная Де́во Богоро́дице: прия́телище Нестерпи́маго, село́ Невмести́маго Зижди́теля Твоего́, Тя́ велича́ем.
Припев: Святи́и апо́столи, моли́те Бо́га о на́с.
Сы́ны све́та и дне́ ва́с яви́л е́сть, Бо́га отца́ Сло́во: сего́ возлюби́вше Боже́ственнии Апо́столи свети́ла вселе́нныя, бесо́в потреби́телие, наста́вницы заблу́ждших, Це́ркве тве́рдая основа́ния яви́стеся.
Припев: Святи́и апо́столи, моли́те Бо́га о на́с.
Ра́ла словесе́, и́же на вы́ях легча́йшее сего́ и́го носи́вшии, обнови́те ны́не олядене́вшую страстьми́ ду́шу мою́, и покая́ния се́менем плодоно́сну сию́ соде́лайте.
Припев: Святи́и апо́столи, моли́те Бо́га о на́с.
О законоположе́ниих мя́ Боже́ственных неради́вша, и бы́вшаго мя́ бесо́в жили́ще, и де́лателище вся́каго греха́ уще́дри мя́, Сло́ве, моли́твами сла́вных Апо́стол Твои́х, я́ко Человеколю́бец.
Припев: Святи́и апо́столи, моли́те Бо́га о на́с.
Земля́ Боже́ственными освяща́ется мощьми́ благосла́вных Апо́стол, Боже́ственным ду́хом: перворожде́нных же вы́шняя Це́рковь духа́ми си́х светле́ется безпреста́нно: и́хже ра́ди, Спа́се, все́х уще́дри.
Припев: Святи́телю о́тче Нико́лае, моли́ Бо́га о на́с.
После́довав нра́вом свяще́нных Апо́стол, и седа́лища те́х насле́довал еси́, я́ко святи́тель чи́стен, достосла́вный Нико́лае.
Припев: Святи́телю о́тче Нико́лае, моли́ Бо́га о на́с.
Я́ко ревни́теля тя́ Боже́ственнаго, и помо́щника по всему́ тебе́ призыва́ющым те́пле, во все́м ми́ре блаже́нне, Творе́ц превели́ка показа́.
Припев: Святи́телю о́тче Нико́лае, моли́ Бо́га о на́с.
Сокруше́нным се́рдцем вопие́м ти́, о́тче: утеше́ние на́м бу́ди в ско́рбех, печа́ли разгоня́я всегда́ от ду́ш на́ших, Нико́лае.
Припев: Священному́чениче Пáвле, моли́ Бо́га о на́с.
Всего́ мене́ сама́го приношу́, Богоглаго́ливе, Боже́ственному покро́ву твоему́,/ я́ко священному́ченик власть реши́ти прегреше́ния от Христа́ прие́м,/ мои́х согреше́ний плени́цы растерза́в, спаси́ мя моли́твами твои́ми/ и Боже́ственным Све́том просвети́.
Припев: Священному́чениче Пáвле, моли́ Бо́га о на́с.
Всего́ мене́ сама́го приношу́, Богоглаго́ливе, Боже́ственному покро́ву твоему́,/ я́ко священному́ченик власть реши́ти прегреше́ния от Христа́ прие́м,/ мои́х согреше́ний плени́цы растерза́в, спаси́ мя моли́твами твои́ми/ и Боже́ственным Све́том просвети́.
Припев: Священному́чениче Пáвле, моли́ Бо́га о на́с.
Нов яви́лся еси́, ре́вностию разжига́емь, Па́вле преизя́щне,/ и́же в раи́ ны́не неизрече́нная словеса́, о́тче, услы́шал еси́,/ я́ко о́бщник бо нра́вов, нарече́ния бо сопричасти́лся еси́/ и вене́ц прие́м Ца́рствия Христо́ва благоле́пнейший.
Припев: Священному́чениче Пáвле, моли́ Бо́га о на́с.
Нов яви́лся еси́, ре́вностию разжига́емь, Па́вле преизя́щне,/ и́же в раи́ ны́не неизрече́нная словеса́, о́тче, услы́шал еси́,/ я́ко о́бщник бо нра́вов, нарече́ния бо сопричасти́лся еси́/ и вене́ц прие́м Ца́рствия Христо́ва благоле́пнейший.
Сла́ва Отцу́, и Сы́ну, и Свято́му Ду́ху.
Я́ко не́кий храбр яви́лся еси́ оглаго́льник вся́кия е́реси,/ Правосла́вия же, священному́чениче, Боже́ственный побо́рник,/ луча́ми благода́ти просвеще́н я́ве/ и Све́том, Па́вле всесла́вне, Несозда́нныя Тро́ицы облиста́емь.
И ны́не, и при́сно, и во ве́ки веко́в. Ами́нь.
Богородичен: Пло́тию из Тебе́ Сло́во, Всенепоро́чная, оде́явся,/ воплоти́вся же, поживе́ в ми́ре, я́ко Благоутро́бен,/ пребы́в не ху́ждше, я́ко пре́жде безтеле́сен,/ и дре́вле вся му́чащаго Боже́ственною си́лою низложи́.
Катавасия
Ирмос, глас 4: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, всеблаже́нная Богоро́дице,/ Чи́стая Присноде́во.
Достойно есть…
Досто́йно есть…
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.
Светильны
Cветильны
Во всю́ подсо́лнечную те́кше пропове́дасте Христо́во от Де́вы свято́е воплоще́ние вои́стинну, от пре́лести обраща́юще язы́ки, и просвеща́юще, и вся́ науча́юще Тро́ицу почита́ти святу́ю, апо́столи Спа́совы.
Вели́каго началопа́стыря, и иера́рха вси́, председа́теля мирлики́йскаго Никола́а хва́лим: мно́ги бо му́жи спасе́, непра́ведно умре́ти иму́щыя, царю́ явля́ется со Авла́вием во сне́, решя́ непра́ведное изрече́ние.
Сла́ва Отцу́, и Сы́ну, и Свято́му Ду́ху.
Ре́вностию распаля́емь,/ от те́плаго се́рдца духо́вный побо́рник благода́ти яви́лся еси́,/ собо́рище ерети́ческое мече́м разсе́кл слове́с твои́х, святи́телю,/ тече́ние же соверши́в, равностоя́тель был еси́ му́ченическому мно́жеству.
И ны́не, и при́сно, и во ве́ки веко́в. Ами́нь.
Богородичен: Неизрече́ннаго чревоноше́ния была́ еси́, Пренепоро́чная Неве́ста/ и, я́ко су́щи честне́йший храм, Богоро́дице:/ Свет бо Преве́чный в Тя всели́ся, и родила́ еси́ Бо́га Сло́ва./ Пою́ще, Твое́ Рождество́ велича́ем досто́йно, Всенепоро́чная Отрокови́це.
Хвалитные стихиры
Псалом 148
Чтец: Хвали́те Го́спода с Небе́с. Тебе́ подоба́ет песнь Бо́гу. Хвали́те Го́спода с Небе́с, хвали́те Его́ в вы́шних. Тебе́ подоба́ет песнь Бо́гу. Хвали́те Его́, вси Ангели Его́, хвали́те Его́, вся Си́лы Его́. Тебе́ подоба́ет песнь Бо́гу.
Чтец: Хвали́те Его́, со́лнце и луна́, хвали́те Его́, вся зве́зды и свет. Хвали́те Его́, небеса́ небе́с, и во́да, я́же превы́ше небе́с, да восхва́лят и́мя Госпо́дне. Яко Той рече́, и бы́ша, Той повеле́, и созда́шася. Поста́ви я в век и в век ве́ка, повеле́ние положи́, и не ми́мо и́дет. Хвали́те Го́спода, от земли́ зми́еве и вся бе́здны, огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты, ца́рие зе́мстии и вси лю́дие, кня́зи и вси судии́ зе́мстии, юноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго. Испове́дание Его́ на земли́ и на Небеси́, и вознесе́т рог люде́й Свои́х. Песнь всем преподо́бным Его́, сыново́м Изра́илевым, лю́дем, приближа́ющимся Ему́.
Псалом 149
Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о сотво́ршем его́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Яко благоволи́т Госпо́дь в лю́дех Свои́х и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.
На 6: Сотвори́ти в них суд напи́сан, / сла́ва сия́ бу́дет всем преподо́бным Его.
Псалом 150
Хвали́те Бо́га во святы́х Его́, / хвали́те Его́ во утверже́нии си́лы Его́.
На 4: Хвали́те Его́ на силах Его, / хвали́те Его́ по мно́жеству вели́чествия Его́.
Хвали́те Его́ во гла́се тру́бнем, / хвали́те Его́ во псалти́ри и гу́слех.
Хвали́те Его́ в тимпа́не и ли́це, / хвали́те Его́ во стру́нах и орга́не.
Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Тебе́ сла́ва подоба́ет, Го́споди Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.
На стиховне
Стихиры на стиховне
Канонарх: Глас седьмы́й. Апо́столи сла́внии.
Лик: Глас 7: Апо́столи сла́внии, / столпи́ церко́внии, и́стины пропове́дницы, свети́ла су́ще све́тлая, вы́ огне́м духо́вным вся́ку пре́лесть попали́сте, челове́ческий же ро́д просвети́сте. Те́мже мо́лим вы́: моли́те Спа́са и Бо́га на́шего, умири́ти ми́р, и спасти́ ду́шы на́шя.
Канонарх: Стих: Испо́лнихомся зау́тра ми́лости Твоея́ Го́споди, и возра́довахомся, и возвесели́хомся, во вся́ дни́ на́шя возвесели́хомся, за дни́, в ня́же смири́л ны́ еси́, ле́та, в ня́же ви́дехом зла́я. И при́зри на рабы́ Твоя́, и на дела́ Твоя́.
Лик: и наста́ви сы́ны и́х.
Глас 7: Апо́столи Христо́вы, де́латели Спа́совы, Кре́ст бо я́ко ра́ло на ра́мех нося́ще, оляде́вшую зе́млю от и́дольския ле́сти очи́стивше, и ве́ры сло́во все́ясте: вои́стинну досто́йно нарица́етеся, святи́и Христо́вы Апо́столи.
Канонарх: Стих: И бу́ди све́тлость Го́спода Бо́га на́шего на на́с, и дела́ ру́к на́ших испра́ви на на́с.
Лик: и де́ло ру́к на́ших испра́ви.
Глас 7: Еди́но ды́шуще, и на еди́но взира́юще страстоте́рпцы му́ченицы, еди́н пу́ть живота́ обре́тше, е́же за Христа́ сме́рть ревну́юще дру́г дру́га кончи́не: Оле чудесе́! я́ко сокро́вища му́ки предвосхища́юще, дру́г ко дру́гу глаго́лаху: я́ко а́ще не ны́не у́мрем, у́мрем же вся́ко, и бытию́ до́лжная послу́жим: сотвори́м ну́жду любоче́стием, о́бщее свое́ да вмени́м, сме́ртию живо́т ку́пим. Моли́твами и́х, Бо́же, поми́луй на́с.
Канонарх: Слава, глас седьмы́й.
Лик: Сла́ва Отцу́, и Сы́ну, и Свято́му Ду́ху.
Глас 7: Вни́кнул еси́ во глубины́ Ду́ха/ и, я́ко Безпло́тен, на земли́ пожи́в,/ и отту́ду поче́рпл бога́тство Боже́ственнаго зна́ния,/ Правосла́вием челове́ки обогати́л еси́,/ уче́нии твои́ми, преподо́бне о́тче.
Канонарх: И ныне, глас то́йже.
Лик: И ны́не, и при́сно, и во ве́ки веко́в. Ами́нь.
Богородичен, глас 7: Роди́лся еси́ от Де́вы несказа́нно, Христе́, / и просвети́л еси́ су́щия во тьме, вопию́щия: / Го́споди, сла́ва Тебе́.
Тропари в конец утрени
Глас 3: Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша?
Отпуст
Евангельская стихира
На часах
1-й Час
Сла́ва Отцу́, и Сы́ну, и Свято́му Ду́ху.
Тропарь свт. Павла I Константинопольскаго, глас 3
Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Павла I Константинопольскаго, глас 2
Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
Отпуст
Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, и́же во святы́х отца́ на́шего Никола́я, архиепи́скопа Мир Лики́йских, Чудотво́рца, Престольный праздник, свт. Павла I Константинопольскаго, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.
3-й Час
Сла́ва Отцу́, и Сы́ну, и Свято́му Ду́ху.
Тропарь свт. Павла I Константинопольскаго, глас 3
Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Павла I Константинопольскаго, глас 2
Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
6-й Час
Сла́ва Отцу́, и Сы́ну, и Свято́му Ду́ху.
Тропарь свт. Павла I Константинопольскаго, глас 3
Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Павла I Константинопольскаго, глас 2
Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
9-й Час
Сла́ва Отцу́, и Сы́ну, и Свято́му Ду́ху.
Тропарь свт. Павла I Константинопольскаго, глас 3
Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Павла I Константинопольскаго, глас 2
Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
На Литургии Иоанна Златоуста
Антифоны
Антифон 1
Первый изобразительный антифон
1 Лик: Благослови́, душе́ моя́, Го́спода. / Благослове́н еси́, Го́споди. / Благослови́, душе́ моя́, Го́спода, / и вся вну́тренняя моя́ И́мя святое́ Его́.
2 Лик: Благослови́, душе́ моя́, Го́спода, / и не забыва́й всех воздая́ний Его́.
1 Лик: Очища́ющаго вся беззако́ния твоя́, / исцеля́ющаго вся неду́ги твоя́.
2 Лик: Избавля́ющаго от истле́ния живо́т твой, / венча́ющаго тя ми́лостию и щедро́тами.
1 Лик: Исполня́ющаго во благи́х жела́ние твое́: / обнови́тся, я́ко о́рля, ю́ность твоя́.
2 Лик: Творя́й ми́лостыни Госпо́дь, / и судьбу́ всем оби́димым.
1 Лик: Сказа́ пути́ Своя́ Моисе́ови, / сыново́м Изра́илевым хоте́ния Своя́.
2 Лик: Щедр и ми́лостив Госпо́дь, / долготерпели́в и многоми́лостив.
1 Лик: Не до конца́ прогне́вается, / ниже́ в век вражду́ет.
2 Лик: Не по беззако́нием на́шим сотвори́л есть нам, / ниже́ по грехо́м на́шим возда́л есть нам.
1 Лик: Я́ко по высоте́ небе́сней от земли́, / утверди́л есть Госпо́дь ми́лость Свою́ на боя́щихся Его́.
2 Лик: Ели́ко отстоя́т восто́цы от за́пад, / уда́лил есть от нас беззако́ния на́ша.
1 Лик: Я́коже ще́дрит оте́ц сы́ны, / уще́дри Госпо́дь боя́щихся Его́.
2 Лик: Я́ко Той позна́ созда́ние на́ше, / помяну́, я́ко персть есмы́.
1 Лик: Челове́к, я́ко трава́ дни́е его́, / я́ко цвет се́льный, та́ко оцвете́т.
2 Лик: Я́ко дух про́йде в нем, / и не бу́дет, / и не позна́ет ктому́ ме́ста своего́.
1 Лик: Ми́лость же Госпо́дня от ве́ка и до ве́ка / на боя́щихся Его́.
2 Лик: И пра́вда Его́ на сыне́х сыно́в, / храня́щих заве́т Его́, / и по́мнящих за́поведи Его́ / твори́ти я́.
1 Лик: Госпо́дь на небеси́ угото́ва Престо́л Свой, / и Ца́рство Его́ все́ми облада́ет.
2 Лик: Благослови́те Го́спода, вси А́нгели Его́, / си́льнии кре́постию, творя́щии сло́во Его́, / услы́шати глас слове́с Его́.
1 Лик: Благослови́те Го́спода, вся си́лы Его́, / слуги́ Его́, творя́щии во́лю Его́.
2 Лик: Благослови́те Го́спода, вся дела́ Его́, / на вся́ком ме́сте влады́чества Его́.
1 Лик: Сла́ва Отцу́ и Сы́ну и Свято́му Ду́ху.
2 Лик: И ны́не и при́сно и во ве́ки веко́в. Ами́нь.
1 Лик: Благослови́, душе́ моя́, Го́спода, / и вся вну́тренняя моя́ И́мя святое́ Его́. / Благослове́н еси́, Го́споди.
Антифон 2
Второй изобразительный антифон
1 Лик: Хвали́, душе́ моя́, Го́спода. / Восхвалю́ Го́спода в животе́ мое́м, / пою́ Бо́гу моему́, до́ндеже есмь.
2 Лик: Не наде́йтеся на кня́зи, на сы́ны челове́ческия, / в ни́хже несть спасе́ния.
1 Лик: Изы́дет дух его́, / и возврати́тся в зе́млю свою́: / в той день поги́бнут вся помышле́ния его́.
2 Лик: Блаже́н, ему́же Бог Иа́ковль помо́щник его́, / упова́ние его́ на Го́спода Бо́га своего́.
1 Лик: Сотво́ршаго не́бо и зе́млю, / мо́ре и вся, я́же в них.
2 Лик: Храня́щаго и́стину в век, / творя́щаго суд оби́димым, / даю́щаго пи́щу а́лчущим.
1 Лик: Госпо́дь реши́т окова́нныя, / Госпо́дь умудря́ет слепцы́.
2 Лик: Госпо́дь возво́дит низве́рженныя, / Госпо́дь лю́бит пра́ведники.
1 Лик: Госпо́дь храни́т прише́льцы, / си́ра и вдову́ прии́мет, / и путь гре́шных погуби́т.
2 Лик: Воцари́тся Госпо́дь во век, / Бог твой, Сио́не, в род и род.
Антифон 3 / Блаженны
Блаженны, третий изобразительный антифон (на 8)
1 Лик: Во Ца́рствии Твое́м помяни́ нас, Го́споди, / егда́ прии́деши, во Ца́рствии Твое́м.
на 12:
1 Лик: Блаже́ни ни́щии ду́хом, / я́ко тех есть Ца́рство Небе́сное.
2 Лик: Блаже́ни пла́чущии, / я́ко ти́и уте́шатся.
на 10:
1 Лик: Блаже́ни кро́тции, / я́ко ти́и насле́дят зе́млю.
2 Лик: Блаже́ни а́лчущии и жа́ждущии пра́вды, / я́ко ти́и насы́тятся.
на 8:
1 Лик: Блаже́ни ми́лостивии, / я́ко ти́и поми́ловани бу́дут.
Красе́н бе́ и до́бр в сне́дь, и́же мене́ умертви́вый пло́д: Христо́с е́сть дре́во живо́тное, от Него́же яды́й не умира́ю, но вопию́ с разбо́йником: помяни́ мя́, Го́споди, во Ца́рствии Твое́м.
2 Лик: Блаже́ни чи́стии се́рдцем, / я́ко ти́и Бо́га у́зрят.
Из глубины́ злове́рия язы́к стада́ привлеко́сте, прему́дрии, к ве́ре богокра́сней, и к мы́сленней трапе́зе обро́к многоце́нный си́х приведо́сте, сла́внии Апо́столи.
на 6:
1 Лик: Блаже́ни миротво́рцы, / я́ко ти́и сы́нове Бо́жии нареку́тся.
Омраче́ние лю́тыя пре́лести све́том пропове́дания отгна́вше, Апо́столи Госпо́дни, сердца́ благочести́вых просвети́ли есте́ я́ве: те́мже ва́с пе́сньми Боже́ственными ублажа́ем.
2 Лик: Блаже́ни изгна́ни пра́вды ра́ди, / я́ко тех есть Ца́рство Небе́сное.
Му́ченичен: Ссеца́еми на удеса́ мече́м страда́льцы Боже́ственнии, не отсе́чени пребы́сте любве́ Изба́вителя: к Нему́же востеко́сте: ны́не живете́ в ра́дости, вси́ небе́сною сла́вою облистава́еми.
на 4:
1 Лик: Блаже́ни есте́, егда́ поно́сят вам, / и изжену́т, и реку́т всяк зол глаго́л на вы, лжу́ще Мене́ ра́ди.
Сыноположи́вся благода́тию Боже́ственною,/ естество́м Сы́на Единоро́днаго в тварь не сведе́,/ Отцу́ Собезнача́льна, Па́вле,/ Па́вла догма́том Богоно́снаго после́дуя.
2 Лик: Ра́дуйтеся и весели́теся, / я́ко мзда ва́ша мно́га на Небесе́х.
Усты́, и се́рдцем, и язы́ком му́дрость и си́лу Бо́жию,/ Сло́во Ипоста́сное, ты, Христа́, пропове́дал еси́, Па́вле Богому́дре, преподо́бне,/ злочести́ваго обличи́в А́рия.
1 Лик: Сла́ва Отцу́ и Сы́ну и Свято́му Ду́ху.
Пресу́щественныя вла́сти Ду́ха Свята́го Бо́жия,/ И́мже Боготвори́мся судо́м пра́ведным, всему́дре,/ естество́м Бо́га пропове́дал еси́, и вседе́тельна, и всеси́льна.
2 Лик: И ны́не и при́сно и во ве́ки веко́в. Ами́нь.
Богоро́дичен: Безнача́льна Роди́теля Сло́во, вы́шше вся́каго нача́ла,/ нача́ло ны́не, воплоща́емо из Тебе́, Чи́стая, прия́т,/ и под ле́том бысть, лет всех превы́шши.
Входное
В будни: Прииди́те, поклони́мся и припаде́м ко Христу́. / Спаси́ ны, Сы́не Бо́жий, / во святы́х Ди́вен сый, пою́щия Ти, / Аллилу́иа. Единожды.
Тропари и кондаки на входе
В четверг, апостолов, глас 3
Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.
В четверг, святителя Николая, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.
храма святого, глас *
… Укажите в настройках престольный праздник вашего храма …
Тропарь свт. Павла I Константинопольскаго, глас 3
Боже́ственныя ве́ры испове́данием/ друга́го Па́вла тя Це́рковь, ревни́теля во свяще́нницех, показа́,/ свозопи́ет ти и А́вель ко Го́споду,/ и Заха́риина кровь пра́ведная./ О́тче преподо́бне, Христа́ Бо́га моли́/ дарова́тися нам ве́лией ми́лости.
В четверг, апостолов, глас 2
Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.
В четверг, святителя Николая, глас 3
В Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Кондак храма святого, глас *
… Укажите в настройках престольный праздник вашего храма …
Кондак свт. Павла I Константинопольскаго, глас 2
Облиста́вый на земли́, яко звезда́ Небосве́тлая,/ Кафоли́ческую просвеща́еши Це́рковь ны́не,/ о не́йже и страда́льчествовал еси́,/ ду́шу твою́, Па́вле, предложи́в,/ и, я́коже Заха́риина и А́велева,/ я́сно вопие́т твоя́ кровь ко Го́споду.
Сла́ва Отцу́, и Сы́ну, и Свято́му Ду́ху.
Кондaк за умерших, глас 8
Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.
И ны́не, и при́сно, и во ве́ки веко́в. Ами́нь.
Кондaк Пресвятой Богородице, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Прокимен
Чтец: Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их.
Лик: Во всю зе́млю изы́де веща́ние их, / и в концы́ вселе́нныя глаго́лы их.
Чтец: Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.
Лик: Во всю зе́млю изы́де веща́ние их, / и в концы́ вселе́нныя глаго́лы их.
Чтец: Прокимен, глас 7: Восхва́лятся преподо́бнии во сла́ве / и возра́дуются на ло́жах свои́х.
Лик: Восхва́лятся преподо́бнии во сла́ве / и возра́дуются на ло́жах свои́х.
Апостол
И чтец надписание Апостола: К Солу́няном посла́ния свята́го Апо́стола Па́вла чте́ние.
И паки диакон: Во́нмем.
Зачало 276 В четверток 25-я недели. (2Сол.2:13-3:5)
Бра́тие, мы до́лжни есмы́ благодари́ти Бо́га всегда́ о вас, бра́тие возлю́бленная от Го́спода, я́ко избра́л есть вас Бог от нача́ла во спасе́ние во святы́ни Ду́ха и ве́ры и́стины, в не́же призва́ вас благовествова́нием на́шим, в получе́ние сла́вы Го́спода на́шего Иису́са Христа́. Те́мже у́бо, бра́тие, сто́йте и держи́те преда́ния, и́мже научи́стеся или́ сло́вом, или́ посла́нием на́шим. Сам же Госпо́дь наш Иису́с Христо́с, и Бог и Оте́ц наш, возлюби́вый нас, и да́вый утеше́ние ве́чно, и упова́ние бла́го в благода́ти, да уте́шит сердца́ ва́ша, и да утверди́т во вся́ком сло́ве и де́ле бла́зе. Про́чее же моли́теся о нас, бра́тие, да сло́во Госпо́дне тече́т и сла́вится, я́коже и в вас, и да изба́вимся от злых и лука́вых челове́к, не всех бо есть ве́ра. Ве́рен есть Госпо́дь, И́же утверди́т вы и сохрани́т от лука́ваго. Упова́ем же на Го́спода о вас, я́ко я́же повелева́ем вам, и творите́ и сотворите́. Госпо́дь же да испра́вит сердца́ ва́ша в любо́вь Бо́жию и в терпе́ние Христо́во.
Зачало 318Б Павлу исповеднику и иным. (Евр.8:3-6)
Бра́тие, всяк первосвяще́нник, во е́же приноси́ти да́ры же и же́ртвы, поставля́емь быва́ет, те́мже потре́ба име́ти что и Сему́, е́же принесе́т. А́ще бы у́бо был на земли́, не бы был свяще́нник, су́щим свяще́нником принося́щим по зако́ну да́ры, и́же о́бразу и сте́ни слу́жат небе́сных, я́коже глаго́лано бысть Моисе́ю, хотя́щу сотвори́ти ски́нию: виждь бо, рече́, сотвори́ши вся по о́бразу пока́занному ти на го́ре. Ны́не же лу́чшее улучи́ служе́ние, по ели́ку и лу́чшаго заве́та есть хода́тай, и́же на лу́чшая обетова́ния взако́нися.
Аллилуиарий
Чтец: Аллилу́иа. Аллилу́иа. Аллилу́иа, глас 1.
Чтец: Испове́дят небеса́ чудеса́ Твоя́, Го́споди, и́бо и́стину Твою́ в Це́ркви святы́х.
Лик: Аллилу́иа. Аллилу́иа. Аллилу́иа.
Чтец: Стих: Бог прославля́ем в сове́те святы́х.
Лик: Аллилу́иа. Аллилу́иа. Аллилу́иа.
Чтец: Свяще́нницы Твои́ облеку́тся в пра́вду, и преподо́бнии Твои́ возра́дуются.
Лик: Аллилу́иа. Аллилу́иа. Аллилу́иа.
Евангелие
Диакон: Благослови́, влады́ко, благовести́теля свята́го Апо́стола и Евангели́ста Луки́.
Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Луки́, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.
И подает ему святое Евангелие.
Диакон: Ами́нь.
Священник: Прему́дрость, про́сти, услы́шим свята́го Ева́нгелия. Таже: Ми́р все́м.
Лик: И ду́хови твоему́.
Диакон: От Луки́ свята́го Ева́нгелия чте́ние.
Лик: Сла́ва Тебе́, Го́споди, сла́ва Тебе́.
Священник: Во́нмем.
Евангелие от Луки, зачало 62. Четверток 24-я недели. (Лк.11:47-12:1)
Рече́ Госпо́дь ко прише́дшим к Нему́ иуде́ем: го́ре вам, кни́жницы и фарисе́е, я́ко зи́ждете гро́бы проро́к, отцы́ же ва́ши изби́ша их. У́бо свиде́тельствуете и сблаговолите́ дело́м оте́ц ва́ших, я́ко ти́и у́бо изби́ша их, вы же зи́ждете их гро́бы. Сего́ ра́ди и прему́дрость Бо́жия рече́: послю́ в них проро́ки и Апо́столы, и от них убию́т и изжену́т. Да взы́щется кровь всех проро́к, пролива́емая от сложе́ния ми́ра, от ро́да сего́, от кро́ве А́веля да́же до кро́ве Заха́рии, поги́бшаго между́ олтаре́м и хра́мом. Ей, глаго́лю вам, взы́щется от ро́да сего́. Го́ре вам зако́нником, я́ко взя́сте ключь разуме́ния, са́ми не внидо́сте, и входя́щим возбрани́сте. Глаго́лющу же Ему́ сия́ к ним, нача́ша кни́жницы и фарисе́е бе́дне гне́ватися Нань и преста́ти Его́ о мно́зе, ла́юще Его́, и́щуще улови́ти не́что от уст Его́, да Нань возглаго́лют. О ни́хже собра́вшимся тмам наро́да, я́ко попира́ти друг дру́га, нача́т глаго́лати ученико́м Свои́м пе́рвее, внемли́те себе́ от ква́са фарисе́йска, е́же есть лицеме́рие.
Евангелие от Луки, зачало 64. Ноемвриа 6, святому Павлу исповеднику. (Лк.12:8-12)
Рече́ Госпо́дь: всяк, и́же а́ще испове́сть Мя пред челове́ки, и Сын Челове́ческий испове́сть его́ пред А́нгелы Бо́жиими, а отверги́йся Мене́ пред челове́ки отве́ржен бу́дет пред А́нгелы Бо́жиими. И всяк и́же рече́т сло́во на Сы́на Челове́ческаго, оста́вится ему́, а на Свята́го Ду́ха ху́лившему не оста́вится. Егда́ же приведу́т вы на собо́рища и вла́сти и влады́чества, не пецы́теся, ка́ко или́ что отвеща́ете, или́ что рече́те, Святы́й бо Дух научи́т вы в той час, я́же подоба́ет рещи́.
Задостойник
Досто́йно есть…
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.
Причастен
Во всю зе́млю изы́де веща́ние их, и в концы́ вселе́нныя глаго́лы их.
В па́мять ве́чную бу́дет пра́ведник, от слу́ха зла не убои́тся.
Аллилу́иа. Аллилу́иа. Аллилу́иа.



